Lagu E DHAYOHE TEKA

E dhayohe teka e gelarna klasa,
e klasane bedhah,
e tambalen jadah,
e jadahe mambu e pakakna asu,
e asune mati e buwangen kali,
e kaline banjir e buwangen pinggir,
e pinggire lunyu e yo golek sangu,
(Sunan kalijaga)

Tembang kasebut menehi gambaran marang umat Islam menawa dhayoh utawa tamu yaiku wulan Romadhan wis teka, mula kabeh umat Islam supaya mapag utawa methukake kanthi gembiraning ati jalaran bakal ketemu karo wulan kang kebak barokah lan kamulyan. 
Carane yaiku kanthi nggelar klasa kang resik, yaiku ati kang suci adoh saka rereged mligine leletheking donya. Wayahe ngresikake utawa mbeningake pikiran, rasa lan pepenginan. Kabeh mau amrih aja nganti ati kita bedhah utawa suwek kayadene klasa kang digelar, yen pancen kepeksa suwek budidayanen ditambal, tambalen jadah. Tegese jadah kuwi panganan saka ketan, mulane ana ing wulan Romadhan aja cedhak raket karo setan nanging cedhaka Gusti Allah Kang Maha Kuwasa kanthi nindakake mujahadah lan muhasabah.

Tembang tersebut menceritakan kepada umat Islam bila tamunya datang yaitu bulan Ramadhan sudah datang, maka semua umat Islam supaya menyambut dengan penuh suka cita karena akan bertemu dengan bulan yang penuh berkah dan penuh kemuliaan. Caranya dengan membersihan hati terlebih dahulu dari segala kekotoran dunia. Membersihkan atau menjernihkan pikiran, rasa dan keinginan. Semua itu mesti hati-hati dan diibaratkan menggelar tikar (gelarna klasa). Tikarnya jangan sampai sobek atau rusak, dan kalau terpaksa memang sobek atau rusak ditambal pakai jadah (makanan dari ketan). Maka dari itu, didalam bulan ramadhan tersebut jangan dekat-dekat dengan setan tetapi dekatlah dengan Allah Yang Maha Kuasa dengan menjalankan mujahadah dan muhasabah.

Dhayoh ana ing pandangan sufisme Jawa, kayadene bayi kang nembe lair. Bayi kuwi resik, suci durung duwe noda utawa cacat. Mulane mahargya wulan suci Romadhan diajab, kayadene bungahe wong kang nembe antuk kanugrahan yaiku laire sang jabang bayi kanthi kebak rasa gembira lan kebak pengarep-arep. Banjur ana sing nindakake padusan amrih suci lan resik saka barang najis utawa rereged. Kabeh mau kudu ditindakake kanthi rasa seneng, iklas, gembira, ridla tekan jroning ati.

Tamu dalam pandangan sufisme jawa, ibarat bayi yang baru lahir. Bayi tersebut bersih, suci belum punya noda dan cacat. Makanya menyambut bulan suci ramadhan tadi harus disambut dengan rasa gembira, ikhlas, ridho hingga kedalam hati, seperti ketika kita kedatangan bayi yang baru lahir. Selanjutnya ada yang melaksanakan padusan supaya bersih dan suci dari najis atau kekotoran.

Posted in: wa tawaashau bil haq